Жамбылда басқарманың салғырт жұмысынан 23 кәсіпкер субсидиядан қағылған
Берілмеген демеу қаржы көлемі 95 млн теңге
Жамбыл облысында акваөсіру өнімінің өнімділігі мен сапасын арттыруды субсидиялау мәселелері бойынша кәсіпкерлік субъектілерінің құқықтарын бұзу фактілері анықталды, деп хабарлайды Jambylinfo.kz
Деректерге сүйенсек, Жамбыл облысы әкімдігінің Табиғи ресурстар және табиғат пайдалануды реттеу басқармасы жем-шөп, балық отырғызу материалын сатып алуға субсидиялау және субсидиялар төлеу көлемін белгілейтін қаулы дайындау кезінде мерзімдерін бұзылуына жол берген. Салғырт жұмыстың салдарынан 23 бизнес субъектісі ұзақ уақыт бойы тиісті субсидия алмаған.