Жамбылда ерікті мемлекеттік қызметшілер қайырымды іспен айналысып жүр
Олар биылдың өзінде түрлі бағытта 30 жуық игі істерді атқарды
Бүгін «Еріктілер кеңесі» консультативтік-кеңесші орган отырысында аудандарда құрылған «Руханият» еріктілер қозғалысының атқарған жұмыстары айтылды, деп хабарлайды jambylinfo.kz.
Жиында Қордай, Шу аудандарында мемлекеттік қызметшілерден құралған «Руханият» еріктілер қозғалысының жұмысын аудан әкімі аппаратының басшылары баяндады. Мәселен, Шу ауданында 199 мемлекеттік қызметші болса, соның 65-і еріктілер қозғалысына тартылған. Жасаған қайырлы істері аз емес. Тіпті қайырымдылық үшін қара жұмыс та істеп жүр.
Мемлекеттік қызмет істері агенттігі Жамбыл облысы бойынша департаментінің басшысы Руслан Шарипов ерікті мемлекеттік қызметшілердің жасаған толайым ісін оң бағалады. Сонымен қатар, мұндай қайырымды іске әр азамат ерікті түрде кірісуі керектігін айтты.