Жамбылда «Тіл-татулық тірегі» атты республикалық дөңгелек үстел отырысы өтті

Жамбылда ҚР Ғылым және жоғары білім министрлігі мен Жамбыл облысы әкімдігі Тілдерді дамыту басқармасының ұйымдастыруымен «Тіл-татулық тірегі» атты республикалық дөңгелек үстел отырысы өтті   Ауқымды шараға ҚР Ғылым және жоғары білім, Ақпарат және қоғамдық даму, Ішкі істер министрліктерінің өкілдері, облыстардың, Астана, Алматы, Шымкент қалалары әкімдіктерінің тілдерді дамыту мәселесіне жауапты басшылары, Жамбыл облысының тіл жанашырлары, тілдерді оқыту орталықтарының директорлары мен оқытушылары, полиция департаменті, ішкі саясат, қоғамдық даму, білім, мәдениет басқармаларының басшылары, этнос өкілдері қатысты   Дөңгелек үстелдің мақсаты Қазақстан Республикасы Президентінің «Әділетті Қазақстан: бәріміз және әрқайсымыз үшін. Қазір және әрдайым» сайлауалды бағдарламасын іске асыру жөніндегі іс-қимыл жоспарын жүзеге асыра отырып, тілдік негізде кемсітушіліктің кез келген түрлеріне бір уақытта табанды қарсы тұрып, оның алдын алу және болдырмау, сондай-ақ мемлекеттік тілдің одан әрі дамуы мен практикалық қолданылуын ынталандыруды жүзеге асыру болып табылады