Естеріңізге сала кетейік, ағымдағы жылғы 26 тамызда Жамбыл облысы Байзақ ауданының №28349 әскери бөлімінде оқ-дәрілердің жарылуынан Оңтүстік аймағының әскери прокуроры қаза тапқан болатын. Оның артында төрт баласы қалды. Ерлігі мен жанқиярлығы үшін Арман Қапезов Мемлекет басшысының жарлығымен І-дәрежелі «Айбын» орденімен марапатталды (қайтыс болғаннан кейін). Жамбыл облысының әскери бөліміндегі қоймалардың бірінде жарылыс салдарынан жалпы саны 17 адам қаза тауып, 100 шақты адам жарақат алды. Қаза тапқандардың арасында өрт сөндірушілер, төтенше жағдай министрлігінің, әскери бөлімнің, әскери күзет пен әскери прокуратураның қызметкерлері бар.