Жамбыл облысы бойынша Қылмыстық-атқару жүйесі департаментіне бағынысты №26 түзеу мекемесінде бірқатар жергілікті жеке кәсіпкерлердің қатысуымен жиын өтті. Мекеме бастығының орынбасары, әділет майоры Олжас Бектаевтың төрағалығымен өткен басқосу барысында кәсіпкерлердің мекеме аумағында өз ісін бастауға көмек көрсету және кездескен кедергілерді бірге еңсеру жолдары жан-жақты қарастырылды. «Super pharm» серіктестігі өкілінің айтуынша, олар арнайы келісім-шарт аясында сотталған азаматтарды жұмыспен қамтуға ниетті. Нұрсұлу Кенішбаева, №26 түзеу мекемесі сотталғандардың еңбегін ұйымдастыру тобының аға инспекторы, әділет аға лейтенанты