Әзіл үшін Жамбыл облысының полицейлерін «мазалаған» екі жасөспірім анықталды
Ақтөбеде тұрғындары неге дәл Жамбыл облысының полицейлеріне қоңырау шалғаны белгісіз
Жамбыл облысының полиция қызметкерлеріне жалған ақпарат берген екі бала анықталды, деп хабарлайды Jambylinfo.kz.
Полицейлерді жаңылыстыру үшін қоңырау шалған балалар Ақтөбе қаласының тұрғындары болып шықты. Анықталғандай, оқушылар полиция қызметкерлерінің қалай жұмыс істейтінін тексеру үшін әзілдеп қоңырау шалған.
«Жасөспірімдердің ата-аналарына қатысты ҚР ӘҚБтК-нің 438-бабы "Арнаулы қызметтерді көрінеу жалған шақыру, 14 жастан 16 жасқа дейінгі кәмелетке толмағандар жасаған іс-әрекеттер" бойынша әкімшілік хаттамалар толтырылып, 30 АЕК (110 760 теңге) мөлшерінде айыппұл салынды»- деп хабарлады облыстық полиция департаментінің баспасөз қызметі.