1 қазанда тұмауға қарсы вакциналау басталады

Жаңалықтар

1 қазанда тұмауға қарсы вакциналау басталады

авторjambylinfo.kz
14 қыркүйек, 2023
166

1 қазанда тұмауға қарсы вакциналау басталады

Қазақстанның бас мемлекеттік санитарлық дәрігері Нұрқан Сәдуақасов эпидемияға қарсы іс-шаралар өткізу туралы қаулыға қол қойды.

Құжатқа сәйкес, 2023 жылғы 1 қазанда республикада халыққа тұмауға қарсы екпе егу науқаны басталады.

Сондай-ақ құжатта мынадай шаралар көзделген:

медициналық ұйымдардың кіреберісінде "сүзгілердің" жұмысын қамтамасыз ету, маскаларды пайдалану, антисептиктер қою;

ЖРВИ, тұмау белгілері бар жүкті әйелдер мен 1 жасқа дейінгі балаларға үйге шақыру бойынша бірінші кезекте қызмет көрсету;

мектепке дейінгі балалар ұйымдарында күнделікті таңертеңгі сүзгі жүргізу, ЖРВИ және тұмау белгілері бар балаларды оқшаулау;

мектептерде бір инкубациялық кезең ішінде бір сыныпта 20-дан 30%-ға дейінгі оқушылар ЖРВИ-мен ауырса, жалпы білім беру ұйымдарында оқытудың кабинеттік жүйесінен бас тарту, күнтізбелік он күн ішінде сыныптарға жаңа балаларды қабылдауға тыйым салу ұсынылады;

бір инкубациялық кезең ішінде оқушылардың 30%-і және одан көп ауырса, олар онлайн оқытуға ауыстырылады.

Дереккөз: Спутник.кз