Соңғы он жыл бойы желтоқсанда қорытынды баспасөз мәслихатын өткізіп келген Ресей басшысы биыл дәстүрді үзгелі тұр, деп хабарлайды Жамбылинфо  Ulysmedia.kz -қа сілтеме жасап.

Ресей президенті Владимир Путин биылғы жылы Үлкен баспасөз мәслихатын өткізуді жоспарлап отырған жоқ, – деп хабарлады оның баспасөз хатшысы Дмитрий Песков.

Жергілікті ақпарат құралдарының жазуынша, Путиннің жыл сайынғы дәстүрден бас тартуына майдандағы ахуал себеп. Десе де, Ресей президенті баспасөз мәслихатының орнына Кремль пулындағы жеке насихатшыларымен – телеарналардағы саяси хабарлар жасайтын өз жеке журналистерімен оңаша әңгімелеседі деген дерек бар. Айта кетейік, бұдан бұрын Ресей мемлекеттік думасының бұрынғы депутаты Илья Пономарев Владимир Путиннің Гаага трибуналына жетіп үлгермейтінін мәлімдеді. Экс-депутат РФ президентінің өмірі өз жақтастары қолынан үзілетініне сенімді.