Полиция қызметкерлері облыс орталығының аумағын патрульдеу кезінде "Қорғау" жүйесінің көмегімен Астана қаласынан бағыттама берілген "Kia Rio" автокөлігін анықтады деп хабарлайды Jambylinfo.kz облыстық полиция департаментінің баспасөз қызметіне сілтеме жасап. Көлік жүргізушісі Астанада, Таразда және Қазақстанның басқа өңірлерінде 111 рет жол қозғалысы ережелерінің талаптарын бұзып, барлығы 2,5 миллион теңгеден астам сомада айыппұлы болған. Көбінесе жылдамдық режимін асырғаны үшін аппараттық-бағдарламалық кешендер мен камераларға түскен. Автокөлік арнайы айып тұрағына қойылған.