Осы аптада қазақстандық спортшылар қандай жарыстарға қатысады?
17-23 ақпан аралығында өтетін спорттық іс-шаралар кестесі
Туризм және спорт министрлігі қазақстандық спортшылардың осы аптадағы жарыстарға қатысу кестесін жариялады, - деп хабарлайды Jambylinfo.kz
17-24 ақпан – үстел теннисінен Азия кубогі
Сары құрлық додасына 4 спортшымыз қатысады.
Өтетін орны: Шэньчжэнь қ., Қытай.
17-28 ақпан – әйелдер арасындағы шахматтан Гран-при жарысы (3 кезең)
Халықаралық турнирде ел намысын Бибісара Асаубаева қорғайды.
Өтетін орны: Монако княздігі.
19-23 ақпан – мәнерлеп сырғанаудан төрт құрлық чемпионаты
Жарыста 4 отандасымыз бақ сынайды.
Өтетін орны: Сеул қ., Оңтүстік Корея.
20-24 ақпан – жеңіл атлетикадан BakuInternational indoor Meeting devoted to Honorarycoach A. Antipov турнирі
Бакудегі бәсекеде 5 спортшымыз жарыс жолына шығады.
Өтетін орны: Баку қ., Әзербайжан.
20 ақпан – 01 наурыз – семсерлесуден жасөспірімдер мен кадеттер арасындағы Азия чемпионаты
Бұл сында ел намысын 24 спортшы қорғайды.
Өтетін орны: Әл-Кувейт, Кувейт.
20-23 ақпан – ересектер арасында «Құсбегілік»ұлттық спортынан XVIII ҚР чемпионаты
Жарысқа барлық облыс пен Астана, Алматы, Шымкент қалаларынан 70-тен аса спортшы қатысады.
Өтетін орны: Петропавл қ.
20-25 ақпан – пара дзюдодан Германия ашық чемпионаты
Бұл жарыста отандық 10 пара спортшы сынға түседі.
Өтетін орны: Гейдельберг қ., Германия.
21-22 ақпан – ашық суда жүзуден Әлем кубогі(1-тур)
Кубок жарысында 4 отандасымыз жүлдеге таласады.
Өтетін орны: Хургада қ., Мысыр
21-27 ақпан – Пара велотректен Азия чемпионаты
Азия біріншілігіне Қазақстаннан 5 паравелошабандоз қатысады.
Өтетін орны: Нилай қ., Малайзия.