Астанада блогер жұп Ерболат Жанабылов пен Эльмира Төлегеноваға қатысты сот үкімі жарияланды. Іс қоғамда қызу талқыланып, көпшіліктің назарын аударған болатын, деп хабарлайды Jambylinfo.kz 

Сот үкімімен Ерболат Жанабылов 2 жылға шартты түрде сотталып, мүлкі тәркіленді. Ал Эльмира Төлегеноваға 2 жылға бас бостандығынан айыру туралы жазасы тағайындалып, өтеу мерзімі 2 жылға шегерілді.

Сотта тараптар процессуалдық келісімге келгені ескерілді. Айыпталушылар курстарды сатудан түскен 247 млн теңгені толық өтеген. Бұған дейін прокурор оларға 4 жыл жаза сұраған еді.

Тергеу дерегінше, блогерлер жүлделерді өздері қаржыландырғандай көрсетіп, іс жүзінде қаражатты қатысушылардан жинаған.

Айта кетейік, сот процесі 16 наурызда басталып, бүгін өз шешімін тапты.