2023 жылы елімізде өрт салдарынан 375 адам қайтыс болған

Былтыр Республика көлемінде 12 мыңға жуық өрт оқиғасы орын алған деп хабарлайды Жамбылинфо. Тілсіз жау салдарынан 300-ден астам тұрғын ауыр жарақат алып, өкінішке қарай 375 адам қайтыс болған. Орын алған жағдайдың басым бөлігі газ баллондарынан жарылуынан туындаған. Жеке тұрғын үйлер мен автогаз құятын белгілі орындардағы тілсіз жаудан 21 адам мерт болып, 170-ке жуығы ауыр жарақат алды. Материалдық шығын көлемі 16 млрд-ты құрап отыр. Биылғы жылдың өзінде 4 жарылыс тіркеліп, 3-еуі адам қазасымен аяқталды. ТЖМ өрттің орын алу себептерімен бөлісіп, қауіпсіздік ережелерін сақтауға шақырады