21 сәуір: еліміздің біраз өңірінде найзағай мен екпінді жел күтіледі
Синоптиктер ертең, 21 сәуірде еліміздің көптеген өңірінде ауа райы құбылмалы болатынын ескертеді.
Бірқатар облыстарда найзағай ойнап, жауын жауады, ал түнде аяз күтіледі, - деп хабарлайды Jambylinfo.kz
Жамбыл облысы:
Таулы аудандарда найзағай, тұман күтіледі. Жел екпіні – 25 м/с дейін. Түнде оңтүстікте топырақ беті қатып, 1 градус үсік болады. Таразда түнгі жел – 20 м/с.
Ақмола облысы:
Кей өңірлерде найзағай. Желдің жылдамдығы – 20 м/с. Көкшетауда да осындай жел күтіледі.
Алматы облысы:
Шығыс және орталық бөлігінде жел – 20 м/с. Тау етегіндегі аудандарда түнде 1–3 градус үсік болады.
Жетісу облысы:
Тау бөктерінде тұман. Солтүстік пен орталықта түнгі үсік – 1–3 градус. Талдықорғанда – 2 градус үсік.
Қостанай облысы:
Солтүстігі мен шығысында найзағай ойнайды. Қостанай қаласында да күн күркірейді.
Шығыс Қазақстан:
Солтүстігінде түнде жаңбыр, қар, күндіз бұршақ жаууы мүмкін. Жел екпіні – 25 м/с. Өскеменде найзағай мен қатты жел.
Абай облысы:
Найзағай мен бұршақ күтіледі. Жел – 28 м/с дейін. Семейде – 20 м/с.
Павлодар облысы:
Оңтүстік пен шығыста найзағай. Жел – 20 м/с.
Атырау облысы:
Батыста жел күшейеді – 20 м/с.
Түркістан облысы:
Таулы аймақтарда найзағай, жел – 20 м/с.
Маңғыстау облысы:
Шаңды дауыл тұрып, жел 23 м/с дейін күшейеді. Ақтауда шаң көтеріледі.
Астана:
Күндіз найзағай, желдің екпіні – 20 м/с.