«26 сәуірден 10 мамырға дейін интернет өшіріледі» - фейк

WhatsApp-та 26 сәуірден 10 мамырға дейін қазақстандықтар интернетке кіре алмайтыны туралы хабарлама тарап жатыр. Stopfake.kz-тің анықтауынша, бұл ақпарат – жалған, деп хабарлайды Жамбылинф ҚазАқпарат. сайтына сілтеме жасап. Мәлім болғандай, интернет өшірілетіні туралы хабар Павлодар облысында шыққан. Кейін бүкіл өңірге тараған. Павлодар облысының Цифрландыру басқармасы бұл ақпаратты жоққа шығарды. «Бұл ақпарат шындыққа жанаспайды. 2023 жылғы 24 сәуірдегі жағдай бойынша барлық байланыс операторларының ақпараттық-телекоммуникациялық инфрақұрылымы штаттық режимде жұмыс істеп тұр. Сіздерді сенімді дереккөздерден алынған ақпаратқа сенуге және фейк ақпараттар таратпауға шақырамыз», – делінген хабарламада. Демек, таралған хабарламаға сенбеген жөн. Қазақстанда 26 сәуірден 10 мамырға дейін интернетті өшіру жоспарланып отырған жоқ.