Еліміздің батысы мен оңтүстігінде фронтальды бөлімдердің әсерінен тұрақсыз ауа райы сақталып, жаңбыр жауады, ал оңтүстік пен оңтүстік-шығыстың таулы аймақтарында жаңбыр мен қар түрінде жауын-шашын болады, - деп хабарлайды Jambylinfo.kz.

Сонымен қатар, тұман түсіп, желдің күшеюі күтіледі, ал елдің оңтүстік-батысында шаңды дауыл болуы мүмкін. ​

Өз кезегінде, Тараз қаласында 30 наурыз күні күн ашық болып, жауын-шашын күтілмейді.

Ауа райының қолайсыздығына байланысты өңірлерде су тасқыны қаупі сақталуда. Мысалы, Жетісу облысының таулы аудандары мен тау бөктеріндегі аймақтарында қатты жауын-шашын салдарынан өзендердегі су деңгейінің көтерілуі мүмкін. Сондай-ақ, Шығыс Қазақстан облысында да қолайсыз ауа райы күтілуіне байланысты дауылды ескерту жарияланды.

Осыған орай, тұрғындарға ауа райы болжамдарын мұқият қадағалап, қажетті сақтық шараларын қабылдау ұсынылады.