Өңірімізде абайсызда жаза басып, сотты болғандар жазасын өтейтін жабық мекеме бар. Бұл - облыстық Қылмыстық-атқару жүйесі департаментіне бағынысты №26 түзеу мекемесі. Күні бүгін дәл осы мекемеден жаза мерзімінің аяқталуына байланысты ер адам бостандыққа шықты. 40 жастағы азамат ҚР Қылмыстық Кодексінің 367 бабының 1 бөлігіне сай Тараз қалалық №2 сотының үкімімен кінәлі деп танылып, 1 жыл 6 ай мерзімге бас бостандығынан айырылған. Еркіндікке жолдама алған оған ҚАЖ қызметкерлері міндеттері мен құқықтарын түсіндіріп, алдағы өміріне сәттілік тіледі. Өз кезегінде жазасын өтеуші құқық қорғау қызметкерлері тарапынан көрсетілген қолдауларға алғысын білдіріп, тұрақты жұмысқа орналасасуға күш салатынын жеткізді.