7-20-25» ипотекалық бағдарламасы 2029 жылға дейін жалғасады

Қазақстанда «7-20-25» ипотекалық тұрғын үй несиелеу бағдарламасы одан әрі жалғасатын болады. Ұлттық банк басқармасы тиісті шешім қабылдады. 2023 жылы аталған бағдарлама бойынша несиелеуге 100 млрд теңгеге дейін қаржы бөлінбек. Жеңілдетілген несиелеумен азаматтарды көбірек қамту мақсатында бағдарламаны іске асырудың жекелеген талаптары қайта қаралды. Атап айтқанда, әрбір қарыз алушы бағдарламаға бір рет қана қатыса алады. Бағдарлама аясында берілетін ипотекалық тұрғын үй қарыздарының параметрлері (бастапқы жарнаның ең төменгі мөлшері, қарыздың ең жоғары сомасы, сыйақы мөлшерлемесі, қарыз мерзімі, өңірлер бөлігінде сатып алынатын тұрғын үйдің ең жоғары құны және т.б.) өзгеріссіз қалады. 22 желтоқсандағы жағдай бойынша 852,2 млрд теңге көлемінде 64 146 жеңілдетілген қарыз берілді.