АҚШ-та алғаш рет трансгендер өлім жазасына кесілді

АҚШ-та адам өлтіргені үшін кінәлі деп танылған трансгендер әйелді өлім жазасына кесті, деп хабарлайды Ulysmedia.kz DW басылымына сілтеме жасап. 49 жастағы Эмбер Маклафлин Миссури түрмесінде улы инъекциядан кейін қайтыс болды. Ол 2023 жылы АҚШ-та өлім жазасына кесілген алғашқы адам болды. Қылмыскер 2003 жылы Сент-Луисте досын өлтіргені үшін кінәлі деп танылды. Сот Маклафлиннің ер адам кезінде өзінің бұрынғы серіктесі Беверли Гюнтерді зорлап, пышақтап өлтіргенін дәлелдеді. Қазылар алқасы Маклафлинді кісі өлтіргені үшін кінәлі деп тапты, бірақ оған үкім шығаруға келісе алмады. Артынша судья іске араласып, айыпталушыны өлім жазасына кесті. Трансгендер ісі АҚШ-та кең резонанс тудырды. Адвокаттар өлім жазасын өмір бойына бас бостандығынан айыру жазасына ауыстыруды талап етіп, өлім үкімі бір ғана судьяның шешімімен шығарылғанын және алқабилер алдында жұртшылықтың пікірін білдірмейтінін алға тартты. Миссури губернаторына жазған хатында олар асырап алған әкесі таяқпен ұрып-соғып, электр мылтығымен азаптаған Маклафлиннің қиын балалық шағы мен психикалық бұзылыстарына тоқталды. Маклафлиннің өлім жазасына кесілуіне АҚШ-тағы екі конгрессмен мен көптеген ықпалды адамдар да қарсы болды. Бұған дейін АҚШ 1953 жылдан бері әйелге қатысты алғашқы өлім жазасын орындаған болатын.