“Ақша душ кабинетінен табылды”. Алматыда шенеуніктің қолға түскен сәтіндегі видеосы тарады

Алматы қаласы бойынша Сыбайлас жемқорлыққа қарсы қызмет Жетісу ауданы әкімінің орынбасарына қатысты сотқа дейінгі тергеу жүргізіп жатқаны белгілі болды. “Ол жергілікті кәсіпкерлерден 14 миллион теңге көлемінде пара алу бойынша күдікті. Сома мемлекеттік сатып алу шарттарын жасасуға, орындалған жұмыстар актілеріне қол қоюға және жалпы қамқорлыққа алуға жәрдемдесуге арналған. Тергеу сотының санкциясымен күдікті қамауға алынды”,-деп хабарлайды Антикордың баспасөз қызметі. Сонымен қатар қазір желіде шенеунікті қолға түсірген сәттегі видео тарап жатыр. Алматыда шенеуніктің қолға түскен сәтіндегі видеосы тарады Тергеу жалғасуда. Бейнежазбада көрініп тұрғандай, Антикор қызметкерлері әкім орынбасарының кабинетіне кіре сала тінтуге кіріскен. Кабинеттегі құжаттар, шкаф, суырманы тінтіген қызметкерлердік бірі душ кабинетінен жабық пакет тауып, ішіндегі ақшаны санай бастайды.