Анықталғандай, 40 жылдық тәжірибесі бар егде жастағы педиатр шақырту бойынша жаңа туған нәрестенің жағдайын көруге барған, деп хабарлайды «Диапазон». Сәбиді тексергеннен кейін 5 баланың анасы жанжал шығарып, күтпеген жерден дәрігерге қол көтеріп, беті мен денесінен жұдырықтап ұрған. Оны әйелдің жұбайы арашалап алған. Көпбалалы әйелден таяқ жеген дәрігер полицияға арызданған. Сот оған 45 мың теңге айыппұл салды. Зардап шеккен педиатр әйелден моральдық зиян үшін 300 мың теңге талап етті. Әйелдің бұған дейін де өзгелерге қол көтергені үшін жауапқа тартылғаны анықталды.