18 желтоқсанда Air Astana әуе компаниясының Алматы–Бангкок бағытындағы KC931 рейсі техникалық себептерге байланысты Үндістанның Дели қаласына мәжбүрлі түрде қонды, деп хабарлайды Jambylinfo.kz 

Әуе компаниясының мәліметінше, бортта 138 жолаушы болған. Ұшақ Алматы қаласынан 01:00-де әуеге көтеріліп, белгіленген тәртіппен 05:51-де Делиге қонған.

Қазіргі таңда барлық жолаушыға тамақ ұсынылды, уақытша визалар рәсімделді. Сондай-ақ әуе компаниясы жолаушыларды қонақ үйге орналастыру жұмыстарын ұйымдастырып жатыр.

Бангкокқа ұшуды жалғастыру үшін резервтік әуе кемесі дайындалуда.