Қазақстандық теннисші Альбина Какенова Қарағандыда өткен ITF Juniors J60 халықаралық турнирінде абсолютті чемпион атанды.

Финалдық жекелей сында ол ресейлік Нели Иванованы 7:6 (7:4), 6:3 есебімен жеңді. Ал жұптық сында отандасы Ариана Гогулинамен бірге Аружан Нуранбай мен Сатима Төреген дуэтін 6:2, 6:3 есебімен ұтып, чемпиондық атаққа қол жеткізді.

Осылайша, Какенова өткен жылы жекелей сында жеңіп алған Қарағандыдағы титулын сәтті қорғап шықты.