Алматы облысында мопед айдаған 21 жастағы жігіт жол апатынан қаза тапты
Алматы облысы, Талғар ауданында мопедті басқара алмай қалған жігіт апатқа ұшырады
Оқиға Тұздыбастау ауылында орын алған, – деп хабарлайды Jambylinfo.kz.
Апат орнынан тараған аянышты видеода: «Мопед, тағы да мопед. Құдайым-ай, жігіттер абай болыңыздаршы», -деген дауыс естіледі.
Алматы облысының полиция департаменті:
«21 жастағы жүргізуші Тұздыбастау ауылының бір көшесінде рөлді басқара алмай, аударылып бетон тірекке құлаған. Апат салдарынан жүргізуші алған жарақаттарынан оқиға орнында қайтыс болды» деп жауап берді.