Бұл туралы қала әкімі Ерболат Досаев Бостандық ауданының тұрғындарымен кездесуде айтты. "Барлық сейсмикалық талап ескерілді, мұны қала әкімі ретінде ресми түрде айтып отырмын. Қаланың сейсмикалық аймақтарға бөлінуі ескерілмеген бірде-бір жер жоқ. Абай даңғылынан жоғары жақтағының барлығы – 10 балл, төмендегінің барлығы – 10 және 9 балл", - деді Досаев қала тұрғынының сұрағына жауап беріп. Қаланы жаңа сейсмикалық аймақтарға бөлу картасы 2021 жылдың 1 шілдесінде бекітілді. Онда 2020-2021 жылдары анықталған жаңа тектоникалық жарықшақтар ескерілген.