Алматыда болған жер сілкінісінен кейін 44 адам медициналық көмекке жүгінген, деп хабарлайды jambylinfo. Денсаулық сақтау министрлігінің баспасөз қызметі таратқан ақпаратқа сүйенсек, 23 қаңтар, түнгі сағат 00.01-ден бастап таңертеңге дейін 44 адам медициналық көмекке жүгінген. Олардың арасында басы жарақаттанған, соғылған. аяқ-қолы созылған адамдар бар. “Олар қаланың стационарларына жеткізілді, оның ішінде 34 ересек адам, оның 3-і емдеуге жатқызылды, 31 адам амбулаториялық емделуге жіберілді. Сондай-ақ 10 бала медициналық көмек алды, оның 5-і емдеуге жатқызылды, 5-і амбулаториялық емге жіберілді. Барлық пациенттер қаланың емдеу мекемелерінде білікті медициналық көмекпен қамтамасыз етілді”,-деп хабарлайды ДСМ.