Шараға білім беру мекемелерінің өкілдері, құзырлы органдардың қызметкерлері, құқық қорғау саласының мамандары, зиялы қауым өкілдері мен қоғам белсенділері қатысты.
Анаға тағзым отбасын қолдау орталығында Азия чемпионатының бокстан қола жүлдегері спортшы Әйгерім Сәттібаевамен «Қайсар рухты қазақ қызы» тақырыбында кездесу өтті, деп хабарлайды Jambylinfo.kz
Шараның басты мақсаты жерлесіміз Әйгерім Сәттібаеваның спорт саласында жеткен жетістіктерін мақтаныш ете отырып, халыққа үлгі ету, жастарға отаншылдық, патриоттық рух беру, салауатты өмір салтын насихаттау болды.
Орталық директоры Эльмира Мырза-Ғали "Азия-2024" чемпионатының қола жүлдегері, көпбалалы ана, Әйгерім Сәттібаеваның өмір жолымен, спорттағы жетістіктерімен таныстырды. Кездесу барысында қонақтар спортшының құрметіне арнау айтып, оның қайсар рухы мен ерік-жігерін жоғары бағалады. Шара аясында өнерпаздар ән айтып, би билеп, көпшіліктің көңілін көтерді. Сонымен қатар, қатысушылар Әйгерімге ізгі тілектерін арнап, сый-сияпаттарын табыс етті.
Ұқсас жаңалықтар
