Қар құрсауынан бес жолаушы құтқарылды
Жамбыл облысының Қордай ауданында жолдың жабық учаскесінде екі жеңіл көлік қарға қамалып, ішінде 5 жолаушы қалып қойды
Бұл туралы Төтенше жағдайлар министрлігінің баспасөз қызметі мәлімдеді, - деп хабарлайды Jambylinfo.kz
Төтенше жағдайлар министрлігінің құтқарушылары арнайы "Трэкол" жол талғамайтын көлігімен оқиға орнына жетіп, азаматтарды қауіпсіз жерге – Отар ауылына эвакуациялады. Абырой болғанда, зардап шеккендер жоқ, ешкімге медициналық көмек қажет болмады.
ТЖМ тұрғындарды ауа райы туралы ескертулерге назар аударып, қолайсыз жағдайда елді мекеннен тыс сапарға шықпауға шақырады!