Қазақстанның 16 өңірде ауа райының қолайсыздығына байланысты ескерту жарияланды, - деп хабарлайды Jambylinfo.kz

Қарағанды облысы – жолдарда көктайғақ. Облыстың батысында, солтүстігінде және шығысында тұман түседі.

Ұлытау облысы – көктайғақ күтіледі. Түнде және таңертең облыстың солтүстігі мен батысында тұман болады.

Жетісу облысы – шығысында, орталығында және таулы аудандарында тұман. Алакөл көлдері маңында жел екпіні 17-22 м/с дейін жетеді.

Маңғыстау облысы – батысында, солтүстігінде және орталығында көктайғақ, солтүстік-шығысында және орталығында тұман.

Ақтөбе облысы – солтүстігінде тұман түседі.

Жамбыл облысы – солтүстігінде, оңтүстігінде және таулы аудандарында тұман. Оңтүстік-батысында, солтүстік-шығысында және таулы аудандарында желдің екпіні 15-25 м/с дейін жетеді.

Қызылорда облысы – шығысында көктайғақ, солтүстігі мен орталығында тұман күтіледі.

Қостанай облысы – оңтүстігінде және шығысында қар, жаяу бұрқасын. Солтүстігі мен батысында тұман, желдің жылдамдығы 15-20 м/с дейін күшейеді.

Атырау облысы – оңтүстігінде және шығысында қар, жаяу бұрқасын.

Батыс Қазақстан облысы – солтүстігінде тұман.

Солтүстік Қазақстан облысы – солтүстігінде, оңтүстігінде және шығысында қар, бұрқасын. Батысы мен оңтүстігінде тұман, ал кей жерлерде жел 15-20 м/с дейін күшейеді.

Шығыс Қазақстан облысы – солтүстігінде, шығысында және оңтүстігінде тұман түседі.

Түркістан облысы – батысында, оңтүстігінде, таулы және тау бөктерлі аудандарында жаңбыр, тұман. Тау асуларында жел екпіні 15-20 м/с.

Абай облысы – солтүстігінде, шығысында және оңтүстігінде тұман.

Ақмола облысы – батысында және солтүстігінде қар, жаяу бұрқасын. Түнде және таңертең тұман күтіледі.

Павлодар облысы – оңтүстігінде, шығысында және орталығында тұман күтілуде.