Қарағанды облысында сібір жарасын жұқтырған науқастардың бірі қайтыс болды

Қарағанды облысының Топар кентінде сібір жарасын жұқтырып, жан сақтау бөлімінде жатқан 1948 жылғы азамат көз жұмды. Бұл туралы облыстың Денсаулық сақтау басқармасы мәлім етті. «Пациенттің өліміне сібір жарасы ауруының ауыр сатысы және қатар жүретін ауыр дерттердің болуы себеп болды. Сонымен қатар, науқастың медициналық көмекке кеш жүгінуі де өз әсерін тигізді», - делінген хабарламада.