Қарағандыда 1 сәуірден 2 сәуірге қараған түні Е.А. Бөкетов атындағы университетінің тоғыз қабатты жатақханасында өрт шығып, 10 студен ауруханаға түсті, - деп хабарлайды Jambylinfo.kz

«ТЖД жатақханадан төрт адамды құтқарды. Құтқарушылардың үйлесімді әрекетінің арқасында өрт 19 минут ішінде сөндірілді. Алдын ала болжам бойынша өрттің себебі - ашық от көзі», – деді ТЖД өкілі.

Оқиға салдарынан зардап шеккендер бар. Он студент Мақажанов атындағы ауруханаға және облыстық балалар клиникалық ауруханасына толық тексеріс үшін жеткізілген.

«Олардың ауруханаға түскен кездегі жағдайы тұрақты деп бағаланды. Қосымша тексеріс жүргізіліп жатыр, содан кейін амбулаториялық ем тағайындалады», – деді Қарағанды облыстық Денсаулық сақтау басқармасының баспасөз қызметі өкілі.