Жамбылдық шаруалар жалпы құны 220,4 млн теңгені құрайтын 301,8 тонна өз өнімдерін нарық құнынан 10-20 пайызға төмен бағада сатылып жатыр, деп хабарлайды Jambylinfo.kz.

Жамбыл облысы ауыл шаруашылығы басқармасының басшысы Қайрат Көшенов айтуынша, жәрмеңкеге бүгін өңірдің 10 ауданы мен Тараз қаласының 90-нан астам ауыл шаруашылығы тауар өндіруші келген. 

«10 автокөлікке тиелген азық-түлік тауарларының ішінде 33,2 тонна ет (жылқы, сиыр, қой және тауық еті), 4 тонна шұжық өнімдері, 22,2 тонна сүт өнімдері, 6 мың жұмыртқа, 10 тонна қант, 2,5 литр өсімдік майы, 1 тонна кондитерлік өнімдер мен 5,4 тонна макарон өнімдері, 0,4 тонна ас тұзы, 4 тонна балық, 4 тонна ұн, 6,8 тонна бал және 202,3 тонна жеміс-жидек пен көкөніс өнімдері бар», - деді ол.