Ауа райының қолайсыздығына байланысты республикалық маңызы бар автожолдардың 11 учаскесінде қозғалыс шектелді.

"ҚазАвтоЖол" компаниясының соңғы дерегіне сүйенсек, елдегі 6 облыстағы тас жолдардың 11 учаскесі жабылған. Мұндай шешім ауа-райының қолайсыздығына байланысты қабылданып отыр.

Республикалық маңызы бар автожолдардың 11 учаскесі Ақмола, Ақтөбе, Алматы, Жетісу, Жамбыл және Қостанай облыстарында орналасқан. Республикалық желіде 402 бірлік арнайы техника және 704 жолшы маман қысқы күтіп-ұстау жұмыстарын атқаруда,

— делінген хабарламада.