Министрдің айтуынша, Айгерім шетелде білім алып жүріп, Италиядағы халықаралық байқауларда жеңіске жеткен және оның өнері әлемдік деңгейде жоғары бағалануда, - деп хабарлайды Jambylinfo.kz 

– Бізде Айгерім Алтынбек деген жас опера әншісі бар. Қазір шетелде оқып жатыр. Биыл Италияда өткен халықаралық байқаулардың бәрінде дерлік топ жарды. Қазір оны әлемдік сахнада танымал орындаушылармен бірге өнер көрсетуге дайындап жатырмыз. Министрлік үшін таланттарды тауып, оларды қолдау – басты мақсаттың бірі. Сондықтан Айгерімге де көмектесеміз, – деді министр.

Айгерім бұған дейін Ресей, Грузия, Финляндия, Литва мен Испаниядағы өнер байқауларында ел намысын қорғаған. Ол орындаған Пуччини ариялары қазылар тарапынан жоғары бағаланған.