Ауа райының нашарлауына байланысты тасжолдардың 61 учаскесі жабылды, оның ішінде 26 республикалық трасса бар, деп хабарлайды Жамбылинфо ҚазАқпарат сайтына сілтіме жасап. Төтенше жағдайлар министрлігі жабылған жолда жиналған автокөліктер туралы мәлімет таратты. ​- Астана-Щучинск жолында - 8 жүк көлігі - Ақтөбе облысындағы ​Ақтөбе-Қарабұтақ жолында - 30 көлік. - Абай облысында 85 көлік: Қалбатау ауылынан шығатын жерде - 46 Көкпекті-Қалбатау - 39 - Павлодар облысындағы Шідерті-Қарағанды жолында 20 көлік. Елдімекендерден шығатын тұста барлығы 143 техника тұр, жолдар таяу арада ашылады деп күтіліп отыр. Өткен тәулікте 37 адам құтқарылды, оның ішінде 9 бала бар.