Қазгидромет ел аумағында 26 қарашада болатын қауіпті метеорологиялық құбылыстарға болжам жасады. Оған сәйкес республиканың басым бөлігіне тұман түсіп, жел күшеюі мүмкін, деп хабарлайды KAZ.NUR.KZ. Синоптиктердің болжамынша, Қазақстанның батысында, солтүстік-батысында, солтүстігінде тұрақсыз ауа райы күтіледі, жауын-шашын (жаңбыр, қар) жауып, көктайғақ, бұрқасын болады. Еліміздің қалған аймақтарында жауын-шашынсыз ауа райы сақталады. Қазақстан бойынша тұман түсіп, жел күшеюі мүмкін. Айта кетейік, еліміздің ірі екі мегаполисінде аяз күтіледі. Синоптиктер болжамына сәйкес, Алматы Астана және Шымкентте күн ала бұлтты болмақ.