Қаңтар-тамыз айларында импорт көлемі 700 млн долларды құраған. Бұл былтырмен салыстырғанда 11 процентке аз. Біздің ел дәрі-дәрмекті негізінен Германия, Үндістан, Ресейден сатып алады. Есесіне биыл отандық өнімнің үлесі артты. Тоғыз айда қазақстандық фармацевттер 160 млрд аса теңгенің өнімін жасап шығарды. Жылдағы межеден 40 процентке көп. Оның басым бөлігі Қарағандыда өндірілген. Сондай-ақ Шымкент, Алматы, Алматы облысындағы фармацевтикалық кешендер де үлес қосуда. Дегенмен, нарықтағы дәрі-дәрмек пен медициналық бұйымдардың тек 17 проценті ғана өз өніміміз. 2025 жылға дейін оны 50 процентке жеткізу көзделген.