Бүгін Мәжілістің жалпы отырысында депутат Магеррам Магеррамов еліміздегі дәрігерлер тапшылығы мәселесін көтерді, деп хабарлайды Жамбылинфо ҚазАқпарат сайтына сілтеме жасап. «Барша әлемде дәрігерлер тапшылығы тенденциясы бар және жақын арада мамандардың жетіспеуі 13 миллионнан асады. Бұл жағынан Қазақстан да тыс қалған жоқ, бүгінгі күні бізде де жоғары білікті медицина мамандарының тапшылығы байқалып отыр. Бұл мәселе кейінгі жылдары елімізде жиі көтеріліп келеді. Қазірдің өзінде жетіспейтін мамандардың саны 5 мыңнан асты. Ұлттық денсаулық сақтау жүйесіне анестезиолог-реаниматологтар, жұқпалы аурулар, эпидемиологтар, жалпы тәжірибедегі дәрігерлер өте қажет», - М. Магеррамов Үкімет басшысының орынбасары Алтай Көлгіновтың атына жолдаған сауалында. Оның пікірінше, бұл жағдай мемлекеттік органдардың білім беру бағдарламаларын дайындау кезінде өзара келіспеуі немесе түсінбеуі нәтижесінде болып отыр. Осы орайда ол Үкіметтен дәрігер дайындау мәселесіне ерекше назар аударуды сұрады.