Қазақстанда алғашқы АЭС салынатын орын анықталды
Үкіметтің қаулысы 30 желтоқсанда қабылданып, ресми түрде 25 ақпанда күшіне енді
Тиісті қаулыға Премьер-Министр Олжас Бектенов қол қойды, - деп хабарлайды Jambylinfo.kz.
«Атом электр станциясы» ядролық қондырғысын салу ауданы туралы қаулы 2024 жылдың 30 желтоқсанында қабылданды.
Атом электр станциясы ядролық қондырғысын салу орны ретінде Алматы облысының Жамбыл ауданы белгіленсін, – делінген құжатта.
Айта кетейік, 2024 жылы АЭС салу бойынша референдум өткен болатын. Референдумда 7 820 204 адам дауыс берген. 5 561 937 адам АЭС құрылысын қолдаған.