Қазіргі уақытта омикронның түрленген «Цербер» штамы 65 елде, соның ішінде Ресей Федерациясында, АҚШ-та, Еуропа елдерінде анықталған. Ал Қазақстанда әзірге Астанада ғана тіркелді. Бұл туралы Денсаулық сақтау министрлігі хабарлады. Ведомствоның мәліметінше, «Цербер» штамының белгілері омикронның бұрынғы кіші түрлерінен айтарлықтай ерекшеленбейді. Ол өте жұқпалы болғанымен, жеңіл немесе орташа түрде өтеді. Науқаста қызудың көтерілуі, буын ауруы, аздап мұрыннан су ағу, әлсіздік болуы мүмкін, кейбіреулерінде ішек аурулары болады, деп ескертті комитет.