Ғашықтар үшін керемет жаңалық. Қазақстанда некені тіркеуге өтініш беру мерзімі қысқарады. ҚР Әділет министрлігі некені тіркеуді күту мерзімін бір айдан 15 күнге дейін қысқартуды ұсынды, өйткені көптеген жұптар үшін 30 күн - тым ұзақ мерзім. «Қолданыстағы заңнама нормаларына сәйкес, некеге тұру туралы өтініш некені мемлекеттік тіркеуден бір ай бұрын беріледі»,- дейді Әділет министрлігінің баспасөз қызметі. Ерлі-зайыпты тіркеу органдарына жүгінген кезде той күнін алдын ала белгілеп, содан кейін ғана некені тіркеуге өтініш береді. Алғаш үйленгелі отырған әрі баласы жоқ жастар үшін құжаттардан тек жеке куәлік пен мемлекеттік баж салығын төлеу талап етіледі.