Қазақстанда тазы мен төбет күнін бекіту ұсынылды
Құжатқа сәйкес, мерекелік күндер тізіміне 3 қыркүйек - Қазақы ит тұқымдары күнін қосу жоспарланған
Қазақстанда тазы мен төбет күнін бекіту ұсынылды, деп хабарлайды Jambylinfo.kz
Экология министрлігі мерекелік күндер тізіміне өзгерістер енгізуді ұсынды.
3 қыркүйек күні Қазақ ит тұқымдарының күні болып бекітілмек.
Бұл жоба 2025 жылғы 17 ақпанға дейін жария талқылау үшін "Ашық НҚА" порталында орналастырылған.
"Тазы мен төбет – қазақтың байырғы ит тұқымдары, қазақ халқының мақтанышы, "Жеті қазына" бірі. Тазы адамның аң аулаудағы таптырмас көмекшісі, сонымен қатар төбет – ата-бабаларымыздың отары мен мүлкін қырағы қорғаушысы",- делінген құжатта.