Соңғы бес жылда Қазақстанда 40 мыңға жуық жер сілкінісі тіркелді. Бірақ бұлар аса сезіле қоймайтын дүмпулер, деп хабарлайды ТЖМ Сейсмология институты. 2018 жылы – 8,5 мың 2019 жылы – 7,8 мың 2020 жылы – 9,5 мың 2021 жылы – 6,7 мың 2022 жылы – 6,9 мың. Дегенмен 2018-22 жылдары елімізде дүмпу күші мейлінше сезілген 66 жер сілкінісі тіркелген. Әсіресе айқын сезілген соңғы сейсмикалық оқиға 2022 жылғы 28 желтоқсанда Алматыдан 190 шақырым жерде Қырғызстан мен Қытайдың шекаралас жерінде болды. Сейсмология институты директорының ғылым жөніндегі орынбасары Нұрсәрсен Өзбеков сейсмикалық қауіпті жерлерді атады. «Шығыс Қазақстан облысынан бастап Қызылорда облысына дейін дүмпу күші 7-ден 9 балға дейін болуы мүмкін сейсмикалық қауіпті аймақтар бар», – деді ол.