Қазақстанда өзін-өзі жұмыспен қамтығандар үшін жаңа салық режимі енгізілуі мүмкін
Алайда бұл режимді тек жылдық табысы 4 080 АЕК-тен аспайтын өзін-өзі жұмыспен қамтығандар пайдалана алады
Қазақстанда өзін-өзі жұмыспен қамтығандар үшін салық салудың жеңілдетілген тәртібі енгізілуі мүмкін, - деп хабарлайды Jambylinfo.kz
Ұлттық экономика министрлігі әзірлеген жаңа Салық кодексінің жобасына сәйкес, бірыңғай салық мөлшерлемесі 4% болып белгіленбек.
«Бұл сома міндетті зейнетақы жарналарын, әлеуметтік аударымдарды және медициналық сақтандыру төлемдерін қамтиды», – деп түсіндірді министрлік.
Салықты мобильді қосымша арқылы немесе салық агенті – цифрлық платформа арқылы төлеуге болады. Алайда бұл режимді тек жылдық табысы 4 080 АЕК-тен аспайтын өзін-өзі жұмыспен қамтығандар пайдалана алады. Биыл бұл сома 16 042 560 теңгені құрайды.
Сонымен қатар, салықтық реформалар аясында тек өзін-өзі жұмыспен қамтығандар үшін ғана емес, декларанттар мен фермерлік шаруашылықтар үшін де жеңілдетілген тәртіптер енгізу жоспарлануда.