Қазақстандық оқушылар робототехникадан дүниежүзілік олимпиадаға қатысады
Жарыс Афина қаласында 26-29 қыркүйек аралығында өтеді
Олимпиаданың Дүниежүзілік кезеңіне қатысуға алматылық ФМБ НЗМ-нің Сristabol командасы жолдама алды. Бұл туралы ҚР Оқу-ағарту министрлігі хабарлайды деп жазады Jambylinfo.kz.
Команда құрамында 11-12 сынып оқушылары Досжан Дайран, Нуржан Кокеев, Әлфия Байжақып, Дастан Қадылбек және Ердәулет Тургенбаев бар.
First Global Challenge Дүниежүзілік кезеңі Афинада 2024 жылдың 26-29 қыркүйегі аралығында өтеді
Еске салайық, іріктеу кезеңіне 190-нан астам елдің жас инженерлері өзара бақ сынасқан. Қазақстаннан 40-қа жуық команда қатысты.
Айта кетейік, бұған дейін Қазақстан
робототехникадан екі дүркін әлем чемпионы атанған. Жас қазақстандықтар 2022 жылы Женевада әлем чемпионы атанып, 2023 жылы Сингапурдағы жарыста екінші мәрте жеңіске жеткен.