Қазақстандықтар МӘМС есебінен жеке клиникаларда ем ала алады, деп хабарлайды Jambylinfo.kz

Енді мемлекеттік медициналық ұйымдарда қызмет көрсетілмей қалған жағдайда пациенттер жеке клиникаларға жіберіліп, олардың шығыны МӘМС есебінен өтелмек.

Министрліктің мәліметінше, егер клиника 10 күн ішінде қажетті қызмет көрсетпесе, науқас еш қиындықсыз басқа медициналық ұйымға ауыса алады. Мемлекеттік аурухана қажетті көмекті ұсына алмаған жағдайда, пациентті жеке орталыққа жолдап, төлемді сақтандыру қоры арқылы өтеу механизмі қарастырылып жатыр.

Қызмет көрсету мерзімі созылып кетсе немесе жолдама бере алмаса, министрлік азаматтарға ӘМСҚ байланыс орталығына немесе Qoldau 24/7 қосымшасына жүгінуге кеңес берді.