Қазақстаннан Еуропаға жаңа әуе рейсі ашылады
Министрлік ұшу бағыттарын кеңейту және қолданыстағы рейстер санын арттыру бойынша тұрақты түрде жұмыс жүргізіп келеді
Бұл туралы Көлік министрлігінің баспасөз қызметі мәлімдеді, - деп хабарлайды Jambylinfo.kz
Осылайша, 27 мамырдан бастап "SCAT" әуе компаниясы Шымкент – Будапешт бағыты бойынша жаңа рейс ашуды жоспарлап отыр. Бұл рейстер "Boeing 737" әуе кемесінде аптасына екі рет (сейсенбі және сенбі күндері) орындалады.
Әуе байланысының ашылуы Қазақстан мен Венгрия арасындағы сауда-экономикалық, іскерлік және туристік қатынастардың дамуына үлкен серпін береді деп күтілуде.