Синоптиктер тұрғындарға сақ болуды ескертті, деп хабарлайды Jambylinfo.kz 

"2025 жылғы 21 қыркүйекте Қарағанды, Теміртау, Өскемен, Ақтөбе, Орал, түнгі уақытта Атырау, Қостанай, Алматы және Астана қалаларында қолайсыз метеорологиялық жағдайлар күтіледі", – делінген ресми хабарламада.

Қолайсыз метеорологиялық жағдайлар – бұл атмосфераның төменгі қабатында зиянды заттардың жиналуына әсер ететін қысқа мерзімді ауа райы құбылыстарының (тымық ауа, әлсіз жел, тұман, инверсия) жиынтығы.

ҚМЖ кезінде тұрғындарға мынадай ұсыныстар беріледі:

Ауада ұзақ уақыт болмауға, әсіресе көлік жолдары мен басқа да ластау көздерінің жанында жүруден аулақ болуға кеңес беріледі;

Тыныс алу жолдарының созылмалы аурулары бар, жүрек-қан тамырлары немесе аллергиялық сырқаты бар адамдар өздерімен бірге қажетті дәрілерін алып жүргені жөн;

Үйдегі терезелер мен балкон есіктерін жабық күйде ұстау ұсынылады;

Сыртқа шыққанда қорғаныс бетпердесін (маска) тағу қажет.