Қазір дүкенге баруға қорқасың, баға күн санап өсіп жатыр - депутат

Мәжіліс депутаты Елнұр Бейсенбаевтың айтуынша, үш адамнан тұратын отбасы бір апталық тамағына ең кемі 40-50 мың теңгенің арасында ақша жұмсайды. Депутат елімізде ресми статистика дұрыс берілмейтінін айтып, Стратегиялық жоспарлау және реформалар агенттігінің төрағасына сауал жолдады. «Үкіметтің шешім қабылдарда жіберетін басты кемшілігі – жалған статистиканы пайдалануы. Статистика елдегі нақты ақпарат пен шынайы көрсеткіштердің бет-бейнесі болуы тиіс. Ұлттық бюро жүргізетін статистика барынша шынайы, халықтың әлеуетін ашық көрсетуі керек», - дейді Е.Бейсенбаев.