Азия чемпионаты: Бүгін жамбылдық боксшылар жүлдеге таласады
Жалпы бүгін 5 отандасымыз өнер көрсетеді
Таиландтың Чиангмай қаласында бокстан ерлер және әйелдер арасында өтіп жатқан Азия біріншігінде жамбылдық боксшылар Дулат Бекбауов (67 кг) пен Әйгерім Сәттібаева (48 кг) және Сымбат Әлиасқар (54 кг) ел намысын қорғайды, деп хабарлайды Jambylinfo.kz
Бүгін екінші рет шаршы алаңға шығатын Дулат Бекбауов малайзиялық Ариф Айман Мухаммадпен қолғап түйістіреді. Ал әйелдер арасында Әйгерім Сәттібаева (48 кг) филиппиндық боксшы Офелия Маньомен кездессе, Сымбат Әлиасқар (54 кг) қытайлық Вен Шан Хумен өзара кім мықты анықтайды.
Сонымен қатар 1/8 финалда Абылайхан Жүсіпов пен түркменстандық Байрамдурды Нұрмұхамедов (71 кг), Диас Молжігітов пен жапониялық Дайга Сунага (75 кг) кездеседі.