Бүгін бокстан әлем чемпионы Асланбек Шымбергеновтың туған күні

Асланбек 1993 жылы 9-қазанда дүниеге келген. 2017 жылы Тараз инновациялық-гуманитарлық университетінің (ТИГУ) дене шынықтыру және спорт факультетін бітірген. Спортқа 2005 жылы келіп, алғашқы бапкері Болат Жарымбеков болған. Бүгінде жерлесіміздің жеткен жетістіктері жетерлік.Атап айтсақ, Қазақстан Республикасының халықаралық дәрежедегі спорт шебері, Азия ойындарының күміс жүлдегері (2018), Азия чемпионы (2022), Қазақстанның екі дүркін чемпионы (2014, 2017) және екі дүркін вице-чемпионы (2013, 2018), әуесқойлар арасындағы 2021 жылғы әлем чемпионатының ширек финалисті. Жартылай кәсіпқой «Дүниежүзілік бокс сериясының» екі дүркін чемпионы, Өзбекстан да өткен Азия ойындарында бокстан әлем чемпионы және Хуанжоуда өткен Азиада ойындарының қола жүлдегері. Асланбекті Jambylinfo.kz ұжымы туған күнімен шын жүректен құттықтайды! Жеңісті күндеріңіз көп болсын, капитан!